lam veritab Kreyòl ayisyen : /lam véritab/
Definition: n. konpoze Yon gwo fwi won, ki gen anpil anmidon, yon pyebwa twopikal, yo konn itilize l tankou yon legim, epi pafwa kòm ranplasan pou farin frans. Yo kiltive l anpil sou zile Pasifik yo ak nan Karayib la.
Fwi yon pye bwa ki donnen plis nan Depatman Grandans lan. Moun nan zòn sa fè yon manje ki rele tonmtonm avèk fwi sa a.
Listwa rapòte ke lè blan yo te rive sou zile a pou premye fwa, yo wè yon fwi ki sanble ak sa yo rele nan lang fransè a “arbre a pain”. Lè yo wè fwi a yo di “men labapen”; men an reyalite, se pa t fwi yo te konnen an, men yon fwi ki genyen anpil resanblans e ki soti nan menm fanmi ak labapen. Fwi ki rele "labapen" de "arbre a pain" rele nan kreyòl Ayisyen “lam veritab”.
Semantik
English : breadfruit
Français : fruit à pain, fruit de l'arbre à pain
Español : el panapen, fruto del árbol del pan
Português : a fruta-pão
