Gen yon mesye ki monte yon bis an pwovens pou l ale lavil. L al chita jis nan fon bis la. Pandan misye nan bis la, li gen yon bezwen ijan, li di chofè a:<br />
Chofè, f'on ti kanpe pou mwen souple, mwen bezwen al twalèt.<br />
Ahhh! Chofè a pa okipe misye, li gaz!<br />
Oh, oh, misye pa ka kenbe, li fè nouvèl la pase de bouch an bouch... moun yo ap mande chofè a pou l kanke....<br />
Chofè a pa tande, l pa wè, l ap pouse gaz pirèd!<br />
Aprè plizyè minit pase, pasajè a wè l pa gen lòt opsyon, misye reziyen l, li desann vin bis la...<br />
Mmm hmm, misye desann pantalon l, li met dèyè l deyò pou l fè bezwen l.<br />
Chofè a k ap gade nan retwovizè, li wè sa a, li di:<br />
Pasajè tèt kale, mete tèt ou anndan!<br />
Pasajè a pa okipe l.<br />
Chofè a kontinye:<br />
Pasajè tèt kale, mwen di w met tèt ou anndan!<br />
Ah! misye se afè l l ap regle, misye kòmanse twalèt.<br />
Lè chofè a wè mèch k ap pandye, li di:<br />
Anhhh! Pasajè tèt kale, mwen di w met tèt ou anndan ou pa vle met tèt ou anndan!<br />
Olye de sa, se lanng ou w ap file ban mwen!