Pitit ou

Pitit ou, pitit ou
Men se lè pou w leve timoun nan
Jan Bondye mande l lan
Poukisa w pantan? Se yon gwo envestiman.
Pitit ou se tankou
Rasin ou ki plante fon nan tè
Li menm rive pi fon pase lanmè
Sa a se yon gwo envestisman
Ki chaje ak anpil regleman
Oh oh poukisa w pantan?
Ou pa sonje respè ki te gen nan tan lontan?
Jan sa ap pase jodi an
Sa pa mande konpliman
W ap pèdi pouvwa w tanzantan.
Men se lè pou w leve timoun nan
Jan Bondye mande l lan
Men nou pa vle pratike enstriksyon an
Nou gen yon espri avègleman
M pa kache di w nan yon ti tan
Se nan men zanmi la pral pran antrènman
Epi pou Satan sèvi avè l kou yon enstriman
Ki fè toutan nan vant ou wap gen yon tranchman
M ap mande w wi, wi ou menm m ap mande
Kilè w ap deside pran otorite w lan
Pou w kase chenn nan
Chemn nan ki anpeche pitit la ak fanmi an viv jan Bondye mande l lan?
Enben se lè w al pote Letènèl plent pou ènmi an
Leve timoun nan jan Bondye mande l lan
Pitit ou, pitit ou.

(5-10-2005)