Bèl Blag Kreyòl Ayisyen

Gen yon mesye ki leve yon jou li antre nan yon magazen l al vòlè... Aaah! Yo kenbe misye, polis gentan vini. Yo mete l nan prizon.
Kounye a, misye nan tribinal, devan jij, y ap jije l. Yo vin ak temwen kont misye, videyo, tout moun wè misye koupab. Misye di: "Objeksyon!" Jij la ba l pale.
- Se pa t fòt mwen si men dwat mwen t al vòlè. Mwen pa wè li jis ditou si men dwat mwen koze yon aksyon pou yo kondane tout mwen menm!
- Jij la: Oke, pa gen pwoblèm. Mwen kondane men dwat ou pou l fè 10 zan prizon; sa depann de ou menm si w vle ale nan prizon avè l ou non. Sesyon an fini!
Vòlè a, ki malen anpil, te gen yo fo men, li dekole men dwat la, li ba yo l, epi l vire do l l ale.