Se te yon papa ki gen 3 pitit. Li fè efò li ba yo edikasyon. Premye a vin yon doktè, dezyèm lan vin yon enjenyè, twazyèm lan li menm li deside l pou l aprann...<br />
Wi, li deside aprann raketè!<br />
Papa a vin gran moun e li mouri, lè a rive pou mesye yo rann li yon dènye omaj.<br />
Doktè a parèt devan sèkèy la: "Papa, m renmen w anpil, pou tout sa w fè pou mwen m ap ba ou 5 000 goud."<br />
Enjenyè a: "Papa, tout sa m te anvi fè pou ou m pa t gen tan fè yo... men 10 000 goud."<br />
Raketè a parèt ak tout dlo nan je l: "Papa, m pap janm ka sispann di w mèsi. Papa, m anvi ba ou 35 000 goud, men se yon chèk 50 000 goud mwen genyen. Donk, m ap ba w chèk 50 000 goud la, m ap pran monnen 15 000 goud la, lè w rive w a chanje l."