trisomi Kreyòl ayisyen /trisomi/
Definition: n Tematik: Maladi Se yon kondisyon (maladi jenetik) kote yon moun gen yon kwomozom anplis nan 23 pè kwomozom yo. Sa vin fè moun nan gen 47 kwomozom olye de 46.
Sa ki pi popilè yo se Trisomi 21 (sendwom Down) (karakterize pa: reta nan devlopman, andikap entelektyèl lejè a modere, ak diferans nan karakteristik fizik). Trisomi 18 (sendwom Edward) (karakteristik: tibebe yo souvan fèt piti epi yo gen malfòmasyon kadyak). Trisomi 13 (sendwom Patau)(karakteristik: pwoblèm nan sistèm nève (entèlektyèl, motè), nan misk ak nan malfòmasyon jenital). Yo fòme non yo selon non doktè ki te dekri kondisyon sa yo an premye.
Kapab gen trisomi nan kwomozom sèks yo tou men fason yo rele yo:
XXX (sendwom twa X), XXY (sendwom Klinefelter), XYY (sendwom Jacobs).
N.B.: lòt òganism (bèt oswa plant) kapab gen trisomi oswa polisomi tou.
Semantik
English : Trisomy; Trisomy 13 (Patau syndrome), Trisomy 18 (Edward syndrome), Trisomy 21 (Down syndrome)
Français : Trisomie ; Trisomie 13 (syndrome de Patau), trisomie 18 (syndrome d'Edward), trisomie 21 (syndrome de Down)
Español : Trisomía; Trisomía 13 (síndrome de Patau), trisomía 18 (síndrome de Edward), trisomía 21 (síndrome de Down)
Português : Trissomia; Trissomia 13 (síndrome de Patau), Trissomia 18 (síndrome de Edward), Trissomia 21 (síndrome de Down)
