Letra
src: ht
(2018)
(Pon)
Èske se ou ki sovè a?
Ou ki vin wete m nan kras la?
Èske se ou ki liberatè a?
Pale avè m, pale avè m.
Èske se ou ki vin retire m nan mikwòb la?
Ou ki gen pwojè ki gen kòb la?
Èske se ou k vin retire m nan lari a?
Pale avè m, pale avè m.
(1)
Mwen la chak jou m ap gade
Pyeton k ap pase, machin k ap pase
Mwen la chak jou m ap gade
Sivil k ap pase, leta k ap pase
Mwen la chak jou m ap gade
DG k ap pase, ONG k ap pase
Mwen la chak jou m ap gade
Sirèn k ap pase, leswpa k ap pase
Men pèsonn pa mande m kisa m ap fè la
Bonjou sa k vle koute
Non pa m se kokorat
Silvouplè
(Pon)
Èske se ou ki sovè a?
Ou ki vin wete m nan kras la?
Èske se ou ki liberatè a?
Pale avè m, pale avè m.
Èske se ou ki vin retire m nan mikwòb la?
Ou ki gen pwojè ki gen kòb la?
Èske se ou k vin retire m nan lari a?
Pale avè m, pale avè m.
(2)
Chak jou m leve m al chache manje
Nan poubèl nan peyi a, nan fatra nan peyi
Si lameri t ap ranmase fatra
Se mwen l t ap ranmase avan kò m dechè nan peyi a
Wi mwen se kokorat la
Rat ki pa gen moun k ap panse pou li a
Wi mwen se kokorat la
Dwadelòm ap pale de li a
Men pèsonn pa mande kisa m ap fè la a
Afè sosyal, reponn mwen souple
(Pon)
Èske se ou ki sovè a?
Ou ki vin wete m nan kras la?
Èske se ou ki liberatè a?
Pale avè m, pale avè m.
Èske se ou ki vin retire m nan mikwòb la?
Ou ki gen pwojè ki gen kòb la?
Èske se ou k vin retire m nan lari a?
Pale avè m, pale avè m.
(3)
Twal gaz mwen nan menm m ap siye machin bòs mwen yo wi
Sa k desann vit yo pou ban m senk goud, respè pou yo wè
An atandan m ap li Atik 22 nan paj 13 Konstitisyon 1987 la
An atandan m ap tann politisyen
M ap viv nan mitan asyèt katon ak chyen
Mwen pa fyè de tèt mwen
Mwen pa renmen jan mwen ap viv
Men yo mande m demelegèt mwen
Fò m bwase moun pou m siviv
Mwen reprezante yon danje pou tèt mwen ak tout peyi a
Men genlè otorite yo pa wè sa
Yo kontate ban m 1000 goud pou m bloke lari
Men pi devan se yo m pral bloke si yo wè sa
Èske yon jou lavi m gen pou chanje?
Èske yon jou m ap viv ak diyite?
Èske pitit mwen se la l pral leve?
Èske, èske?
[Pon]
Èske se ou ki sovè a?
Ou ki vin wete m nan kras la?
Èske se ou ki liberatè a?
Èske se ou ki vin retire m nan mikwòb la?
Èske se ou k vin retire m nan lari a?
(Fen)
Dwadelòm se konsa l rele
Lamayòt pou timoun fwonte
Pale avè m, Pale avè m.