Definition: n./adj. Tematik: lengwistik

1. Lang kreyòl: yon lang matènèl ki fòme apati kontak de lang atravè yon etap pidjin pi bonè. Konsa gen kreyòl ki baze sou fransè, anglè, pòtigè, arab, elatriye.
2. Moun ki fèt e grandi nan yon peyi. Plizyè lang moun pale nan plizyè peyi ki te pase anba esklavaj nan ansyen koloni yo. Esklav yo pate kapab konprann lang mèt yo, kolon yo te ap pale; konsa yo di mo yo nan fason pa yo e tout esklav parèy yo entèprete mo yo menm jan moun ki di mo a te konprann li. Youn konprann lòt yo kontinye pale konsa. Konsa yon pidjin epi aprè yon lang kreyòl vin fòme.
3. Adj.: Bagay ki gen rapò ak peyi ki te kolonize a (jeneralman nan Karayib la); yon bagay natirèl, yon bagay orijinal, ki pa pèpè. Egz.: Bèl fanm kreyòl. Bote kreyòl.
4. Kreyòl ayisyen: Lang yo pale nan peyi Ayiti, ansanm ak anpil lòt kote ki gen gwoupman dyaspora ayisyen. Gen plizyè lòt peyi ki pale yon fòm kreyòl, ki pa gen anyen pou wè ak kreyòl ayisyen. Men lis peyi kote yo pale kreyòl. Dominik (oswa La Dominik) (kreyòl antiyè), Grenad, Gwadloup, Giyàn Fransèz, Louisiana (Etazini) itilize kreyòl Lwizyana (Louisiana Creole), Matinik, Moris, La Reyinyon, Sent Lisi, Sen Toma, Seychèl, Trinidad.
   O Jamayik yo pale Patwa, ki se yon kreyòl (ki baze sou anglè). O Beliz yo pale Kreyòl Beliz ki soti nan anglè britanik.

Semantik